رأي حول Ismailia auto service

Ahmed Tamer قبل 3 سنوات

المركز محترم كدا و المهندسين هناك متفاهمين جدا

Mohamed Khaled قبل 9 أشهر

انا حصل معايا تجربه سيئه جدا جدا جدا مع المركز ده بالرغم اني علي علم بالناس الي فيه معرفه شخصيه و رجعت لصاحب المكان بالاصول قبل ما انزل كلمه و مطلعتش بحاجه و لو كنت اتعاملت مع ورشه ف الشارع كان هيبقي افضل كتير .. انا رحت اغير عندهم زيت من حوالي شهرين ل شهرين و نص ، رفعوا العربيه علي كوريك الرفع و بعد ما الفني فك الطبه بتاعت الزيت و نزل الزيت القديم و جيه يربط تاني قعد يلف ف الطبه و انا كنت واقف جنبه قلتلوا كفايه كده من كتر ماهو حرق عليها و لسه مخلصتش الجمله سمعت صوت طقه ، بنبص لقيت الكرتيره بتاعت الزيت اتشرخت ! جيه واحد من صحاب المكان و قالي متشغلش بالك هنعالج الموضوع و مفيش مشكلة! طب هتعمل ايه ؟ هنفكها و نلحمها ! قلتلوا بس معتقدش ده هيكون حل عملي قالي لا لا متشغلش بالك هتبقي تمام و زي الفل ! قلت خلاص تمام كده كده الناس نعرفها و المكان نعرفه اكيد لو حصل حاجه هنرجعله مفيش مشكله! بعد شهرين تقريبا لقيت العربيه مدياني لمبه الزيت و الحمدلله كنت جاي علي سفر الساعه ٣ بليل و لسه يادوب واصل يعني كان ممكن تبقي كارثه و ركنت العربيه و تاني يوم نزلت مفيهاش نقطه زيت حرفيا و ببص تحت لقيت الطبه كلها زيت رحت لبتاع الزيت عشان يبص عليها قالي يا باشا انت عندك شرخ ف الكرتيره و كان ملحوم قبل كده و فتح و نزلت تحت العربيه اتاكد لقيت فعلا نفس الشرخ الي كان قبل كده و كل ما نحط زيت الشرخ جايب زيت بشكل مستمر و كتير ! المهم رحت مكلم صاحب المركز بتاع اوتو سيرفس ده الصبح كذا مره مردش ! بعتلوا عالواتس مردش ! قلت مفيش مشكلة اكلموا اخر النهار يمكن نايم و ده الي حصل فعلا و رد عليا بليل حكتلوا الموقف يا هندسه حصل واحد اتنين و انا حتي مجتلكوش المكان تقديرا للناس الي اعرفها و ليك ! قالي الموضوع ده بقاله فتره و اتلحمت و كانت تمام ! قلتلوا لا ماهي كده مش تمام لان انا قلت ساعتها ان مش هيبقي حل عملي و قالي لا و متشغلش بالك ! و دلوقتي محتاج كارتيره ب ٣٥٠٠ جنيه غير جركن الزيت الي لسه حاطوا من ١٠ ايام ب ١٩٠٠ جنيه غير مصنعيه يعني داخل ف حسبه ٦٠٠٠ جنيه فا ايه الحل من وجهة نظرك يا هندسه ! قالي طب سبني اسال حد علي حاجه و ارجعلك و الكلام ده من ٣ ايام و مرجعليش ولا كلمني و حد صديق مشترك اتدخل قالوا هو لسه فاكر بعد شهرين تلاته يجي يتكلم و ملوش عندي حاجه.. و حسبي الله ونعم الوكيل